Xüsusiyyətləri:
Maqnezium- bütün hüceyrələrin normal fəaliyyəti üçün vacib bir elementdir. Hüceyrələrin həyatı vacib bir elementi kimi maddələr mübadiləsinin bütün reaksiyalarında iştirak edir. Fizioloji nöqteyi nəzərdən maqnezium hüceyrə daxili kation hesab edilir. Maqnezium ionları neyronların oyanıqlığını aradan qaldıraraq, sinir-əzələ ötrücülüyünü zəiflədir. Əzələlərdə ion balansını bərpa edərək, bütün fermentativ reaksiyalarda iştirak edir. Maqnezium defisiti orqanizimdə tremor, tetaniya, ataksiya, yüksək reflelktor oyanıqlıq, yuxu pozğunluğu, ürək ritmi pozğunluğu, mədə-bağırsaq pozğunluğu və diareya kimi patologiyaların əmələ gəlməsinə səbəb olur.Vitamin B6 (pridoksin) - koferment kimi bir çox metabolik proseslərdə, 60-dan çox enzimlərin, neyromediatorların sintezində, sinir sisteminin metabolik proseslərində iştirak edir. Magneziumun mədə-bağırsaq sistemindən daha tez sovurulmasına, hüceyrələrə keçib orada saxlanmasına səbəb olur. Hamiləlik zamanı B6 vitamini toksikoz əlamətləri olan ürəkbulanma və qusmanı azaldır, mərkəzi sinir sisteminin oyanıqlığını aradan qaldırır.
Oğulotu (melissa) - güclü sedativ təsiri, spazmolitik təsiri və antibakterial, virus əleyhinə, antiallergik təsirləri ilə əsasən tanınır ki, bu təsirlər ardıcıl olaraq tərkibinə daxil olan sitronellanın, geraniollanın və fenilpropanoidlərin hesabına baş veriri. Həmçinin antidepresant və hamilə qadınlarda ürəkbulanmanı aradan qaldırmaq kimi təsirlərə malikdir. Yuxunu normallaşdırır, əhval-ruhiyəni yaxşılaşdırır.
Pişikotu (valerian) - tərkibindəki fito birləşmələr ödqovucu, sakitləşdirici, sidikqovucu, spazm əleyhinə və epilepsiya əleyhinə təsirə malikdir. Valerian oyanma ilə tormozlanma arasında pozulmuş tarazlığı bərpa edir, trankvilizatorlar kimi təsir edərək MSS-də oyanmanı azaldır, yuxuya getmə müddətini qısalıdr və yuxunun keyfiyyətini yaxşılaşdırır. Qan damarlarında, bağırsaqlarda spazmı aradan qaldırır. Adaptogen və tonuslandırıcı təsir göstərir.
Çarxıfələk çiçəyi (passiflora ekstraktı) - təbii sakitləşdirici komponentdir. Tərkibinə askorbin turşusu, pektin, amin turşuları və viteksin daxildir. Heç bir yan təsir vermədən yuxunu yaxşılaşdırır və oyandıqda gümrahlıq hissini təmin edir. Passiflora ağrıkəsici, iltihabəleyhinə, spazmolitik və qıcolmaəleyhinə təsir göstərir, yaddaşı yaxşılaşdırır.
Nanə ekstraktı - tərkibi orqanizm üçün vacib olan A, C, B qrup vitaminlərlə və mikroelementlərlə zəngindir. Sinir sisteminə müsbət təsir göstərir, əsəbləri sakitləşdirir, stresi gərginliyi aradan qaldırır, miqren , əl-ayaq titrəməsi, iflic, yuxusuzluq, baş gicəllənmə hallarında çox faydalıdır. Nanə ürək-damar sistemi üçün də xeyirlidir ürəyi qüvvətləndirir, sürətli döyüntüləri aradan qaldırır və infarkt riskini azaldır. Həmçinin köp, mədə bulanması, mədənin yanması zamanı bu bitkidən istifadə etmək məsləhət görülür.