Xüsusiyyətləri:
Farmakaloji təsiri:Evalook Omeqa 3–lə kombinə olunmuş vitamin- mineral kompleksidir. Tərkibindəki bütün vitamin, mineral, makro- və mikroelementlər bioloji aktiv halda və rahat mənimsəniləcək birləşmələr formasındadır.
Omega 3- Orqanizmdə mübadilə proseslərini normallaşdırır, triqliseridlərin, kiçik özlüklü lipoproteinlərin miqdarını azaldır. Beyin qan dövranını yaxşılaşdırır, hipoksiya və arterial təzyiqin düşməsi zamanı baş beyin damarlarının dözümlülüyünü artırır. Doymamış yağ turşuları beyinin boz maddəsinin hüceyrə membranlarına və gözün torlu qişasına daxil olub, neyronlararası impulsların ötürülməsinə cavabdehdirlər. Beyin fəaliyyətini və yaddaşı yaxşılaşdırır. Ürək- damar sistemini aktivləşdirir, revmatoid xəstəliklərinin inkişafının qarşısını alır. Yaraların və çapıqların sağalmasına kömək edir.
Lutein- Orqanizmdə əmələ gəlmir . Bu əvəzsiz maddə gözün fəaliyyətinə, görmə itiliyinə və göz toxumalarının qidalanmasına öz müsbət təsiri ilə diqqəti cəlb etmişdir. Eyni zamanda qanda şəkərin miqdarını normallaşdırmaq və toxumaları sərbəst radikalların mənfi təsirindən qorumaq xüsusiyyəti Lutein-nin geniş tətbiqinə əsasdır.
Fol turşusu- suda həll olan B qrupu vitaminidir. Immun və qanyaranma sistemlərinin funksiyalarında mühüm rol oynayır.
Biotin- maddəlrin enerjiyə cevrilməsinə kömək edən B qrup vitaminlərdən biridir. Saç, dırnaq, dərinın saglamlığı , qaraciyər və sinir sisteminin normal fəaliyyəti üçün vacibdir.
Sink (Zn) – orqanizmdə 200-dən çox fermentin əsas hissəsini təşkil edir. Insulinin aktivləşməsi, toxuma tənəffüsü, qanyaranma, dəri və selikli qişaların bərpası üçün sink ən vacib mikroelementlərdən biri hesab olunur.
Vitamin E – zülalların və hemin biosintezində, hüceyrələrin proliferasiyasında, toxuma tənəffüsündə və digər vacib toxuma metabolizmi proseslərində iştirak edir. Güclü antioksidant olduğundan balıq yağının oksidləşməsinin qarşısını alır. Vitamin B6 – Mərkəzi və periferik sinir sisteminin normal funksiyası üçün vacib əhəmiyyət kəsb edir, bağırsaqlardan dəmirin və amin turşularının sorulması prosesini aktivləşdirir. Vitamin B1 – sinir-əzələ keçiriciliyini normallaşdırır, oksidləşmə-reduksiya proseslərində, mukopolisaxaridlərin, zülalların, karbohidratların mübadiləsində iştirak edir. Vitamin B3 (nikotinamid) bütün mübadilələr üçün vacib vitamin olmaqla, beyin və periferik toxumalarda qan dövranının normal olmasını təmin edir. Vitamin B2 – toxuma tənəffüsü, dəri və selikli qişaların tamlığı üçün vacibdir. Vitamin D – kalsiumun bağırsaqlardan mənimsənilməsi və qanda kalsiumun və fosfatların münasib miqdarının təminatı, onların organizmin hüceyrələrinə daşınmasına cavab verir. Həmçinin sümüklərin normal mineralizasiyası üçün vacibdir.