Xüsusiyyətləri:
Farmakaloji təsiri: Kombinə edilmiş immunostimulyator, antioksidant vasitə Melimax immuniteti aktivləşdirməyə və orqanizmi soyuqdəymədən və qripdən qorumağa kömək edən beş aktiv maddədən ibarətdir. Melimax preparatının tərkibindəki Beta qlükan vələmir ekstraktından (Avena sativa extrakt) alınmış unikal komponentdir. Bu orqanizmin müxtəlif xəstəliklərə qarşı müqavimətini artıran təbii maddədir. Komponent immun sisteminin hüceyrələrinin (makrofaqların, T-limfositlərin, təbii killerlərin) fəaliyyətini tənzimləyir. Sitokinlərin (interleykin), interferon sintezini artırır. Beta glukan güclü antioksidant təsirə malikdir. Eyni zamanda beta qlükanın antiviral, antibakterial, antifunqal təsiri elmi subutlarla təsdiqini tapmışdır.Vitamin E - Qan dövranını yaxşılaşdırmaqla toxumaların regenerasiyasını sürətləndirir. Lipidlərin oksidləşməsini zəiflətməklə sərbəst radikalların yaranmasının qarşısını alır, hüceyrələri zədələnməkdən qorumaqla antioksidant təsir göstərir. Vitamin E həmçinin hüceyrəarası kollagen və elastiki liflərin formalaşmasında iştirak edir. Tokoferol qanın laxtalanmasının qarşısını almaqla periferik qan dövranını yaxşılaşdırır. Həmçinin zülalların və qonadotropinin biosintezində iştirak edir.
Sink - timusun fəaliyyəti və immun sisteminin normal vəziyyəti üçün həyati vacib mikroelementdir. O, antitellərin sintezini stimullaşdıraraq immundefisitin qarşısını alır. Kişi cinsiyyət vəzilərinin funksiyalarını yaxşılaşdırır (kişi cinsi hormonu olan dihidroksitestesteronun sintezində iştirak edir). Cinsiyyət vəzi toxumalarında yüksək kosentrasiya təşkil etdiyindən kişi və qadınlarda seksual funksiyanın yerinə yetirilməsində bilavasitə iştirak edir.
Selen - İnsan orqanizmində müxtəlif liposaxaridlərin, zülların və fermentlərin fəaliyyəti üçün vacib rola malikdir. Çox güclü antikanserogen təsirə malik olmaqla müxtəlif bədxassəli şişlərin yaranmasının və inkişafının qarşısını alır. Həmçinin selen spermatozoidlərin müdafiəsini və hərəkətliliyini təmin edir. Buna görə də kişi sonsuzluqları zamanı geniş istifadə olunur. Selen qalxanabənzər vəzin tərkibində yod olan hormonların sintezi üçün əvəz olunmaz rola malikdir, buna görə də yod çatışmazlığı ilə mübarizədə geniş istifadə olunur. Güclü antioksidant təsirə malikdir.
Vitamin C - Orqanizmdə iki əsas funksiyanı yerinə yetirir: immunitetin möhkəmlənməsi və psixikanın stabilləşməsi. Orqanizmdə sintez olunmur, qida vasitəsilə qəbul olunur. Oksidləşmə- reduksiya proseslərində, karbohidrat mübadiləsində, toxuma regenerasiyasında iştirak edir. Orqanizmin infeksiyalara qarşı davamlılığını artırır, damar keçiriciliyini zəiflədir. Dəmir, fol turşusu, histamin, karbohidratların utilizasiyası, lipid, zülal, karnitin sintezi, immun reaksiyalarda iştirak edir. Güclü antioksidant təsirə malikdir.