![https://medcare.az/uploads/posts/2022-12/1671796345_karikal-sekil.jpg](https://medcare.az/uploads/posts/2022-12/1671796345_karikal-sekil.jpg)
Karikal № 30 tablet
Kalsium və D3 vitamini - Kalsium insan orqanizmində metabolik proseslərin əsas minerallarından biri olub hüceyrənin tərkib hissəsinə daxildir. Eyni zamanda kalsium hüceyrə içi və hüceyrələr arası metabolizmdə , əzələ yığılmasında (ürək əzələsi daxil olmaqla), sinir impulslarının ötürülməsində ( sinir keçiriciliyində), qanın laxtalanmasında iştirak edir . D vitamini sümüklərin böyüməsinə və güclənməsinə təsir edən kalsiumun sorulmasında iştirak edir. Həmçinin Kalsium D vitamini ilə birlikdə insan orqanizmində raxit və osteoparoza qarşı təsir göstərir. Kalsium sümük strukturunun bütövlüyünü qoruyur.
Maqnezium- Həyati önəmə sahib mikroelementlərdən biri olub , orqanizimdəki 300 dən çox fermentin aktivlik göstərməsində vacib rola sahibdir. ATF-in sintezində iştirak edir. Maqnezium sinir impulslarının öturulməsini, əzələlərin yığılma və boşalmasını, ürək - damar sisteminin sağlamlığını təmin edən əsas mineraldır.
Sink- Hüceyrə metabolizmində əsas rol oynayan fermentlərin tərkibinə daxil olmaqla hüceyrələrdə zülal və karbohidrat sintezini requlə edir. Hüceyrə membranının struktur möhkəmliyini, vitamin A-nın və vitamin E-nin biomənimsənilməsini, orqanizmdə insulinin sintezini toplanmasını təmin edərək qanda şəkərin tənzimlənməsində mühüm rol oynayır. Sink D vitamininin təsirini gücləndirir və kalsiumun yüksək mənimsənilməsinə səbəb olur.
Mis- insanın həyat fəaliyyəti üçün vacib və əvəzedilməz mikroelementlərdən biridir. Birləşdirici toxumalarda kollagen və elastin sintezini artırır. Mitoxondriyalardan enerjini xaric edərək enerji defisitini aradan qaldırır. Orqanizmdə misin çatışmazlığı leykopeniya, neyropeniya, immun reaksiyaların pozulması, T limfosidlərin aktivləşməsi, osteoporoz, saçın tökülməsi, dərinin piqmentasiyası, zəiflik, yorğunluq və bir sıra digər formalarda özünü büruzə verə bilər. Həmçinin mis orqanizmdə antioksidant rolunu oynamış olur.
K2 vitamini- D3 vitamini ilə birlikdə K2 vitamininin qəbulu vacibdir. Bu iki vitamin insan orqanizmində kaslium seviyyələrinə nəzarət etmək üçün birlikdə fəaliyyət göstərirlər. D3 vitamini kalsiumun qana sorulmasını təmin edir, K2 vitamini isə orqanizmin hansı hissəsində kalsiuma ehiyac olduğunu göstərərək toxumalarda artıq miqdarda Kalsium toplanmasının qarşısını alır. K2 vitamini Osteoparozda kalsiumla birlikdə yüksək effektə malikdir. Həmçinin K2 vitamini beyindəki oksidativ stresi aradan qaldırır. Ana südünün tərkibinə daxildir və südə qarşı allergik reaksiya verən insanlarda tətbiq olunur.
Göstərişləri:
- Kalsium və D3 vitamininə tələbatın artdığı hallar – hamiləlik və laktasiya dövrü
( həkimlə məsləhətləşdikdən sonra)
- Kalsium və D3 vitamininin çatışmazlığının aradan qaldırılması .
- Xroniki böyrək çatışmazlığı zamanı yaranan Ca çatışmazlığında.
- Postmenopauza və qocalma ilə əlaqədar osteoporozların müalicə və profilaktikası məqsədi ilə
- Sink,mis və maqnezium minerallarının çatışmazlığının aradan qaldırılması .
- Şəkərli diabet
- Müxtəlif orqanik xəstəliklər (ürək-damar, həzm sistemi, tənəffüs sistemi, endokrin sistem) zamanı reabilitasiya məqsədilə
- İmmun sistemin zəifləməsi halları.