Xüsusiyyətləri:
Vitamin D3 raxit əleyhinə aktiv faktordur. D vitamininin ən mühüm funksiyası kalsiumun və fosfatların metabolizmini tənzimləməkdən ibarətdir ki, bu da skeletin düzgün minerallaşmasını və inkişafını təmin edir. Vitamin D3 – D vitamininin təbii formasıdır. D2 vitamini ilə müqayisədə aktivliyinin 25 %-dən yüksək olması ilə fərqlənir. O qalxanabənzər ətraf vəzin normal funksiyası üçün zəruridir. Kalsiumun və fosfatların bağırsaqdan absorbsiya olunmasında, mineral duzların nəqlində və sümüklərin kalsifikasiyasında əhəmiyyətli rol oynayır. Həmçinin kalsiumun və fosfatların böyrəklər vasitəsilə xaric olmasını tənzimləyir. Kalsium ionlarının konsentrasiyası skelet əzələlərinin tonusunun saxlanmasını, sinir impulsarının ötürülməsini, qanın laxtalanma prosesini şərtləndirən bir sıra mühüm biokimyəvi proseslərə təsir göstərir. D vitamini həmçinin, limfokinlərin yaranmasına təsir göstərməklə immun sistemin fəaliyyətində iştirak edir.LENTAVİT forte - də absorbsiya sürətlidir (nazik bağırsağın distal hissəsində). Limfatik sistem vasitəsilə qaraciyər və ümumi qan dövranına daxil olur. Qanda alfa2-globinlərinə və qismən albüminə bağlanır.
LENTAVİT forte - nin tərkibindəki D3 vitamini qaraciyərdə, sümüklərdə, skelet əzələlərində, böyrəklərdə, böyrək üstü vəzlərdə, miokardda, piy toxumasında yığılır. Toxumalarda Cmax-a çatma müddəti 4-5 saatdır, sonra xolekalsiferolun konsentrasiyası bir qədər azalır və uzun müddət sabit səviyyədə qalır. Metabolitlər şəkilində, əsasən hüceyrələrin, mikrosomların, mitoxondiriyaların və nüvələrin membranlarında lokalizə olunur.