Tərkibi:
Zeytun yağı - 30 ml
Badam yağı - 20 ml
Lavanda yağı - 10 ml
Küncüt yağı - 10 ml
Buğda yağı - 20 ml
Şirin badam yağı - 10 ml
Zeytun yağı- vitamin, mineral, polifenolla zəngindir. Dəridən asanlıqla sorulur, dəri məsamələrini tıxamadan onu nəmləndirir. Dəri çatları və sellülitin yaranmasının qarşısını alır.
Badam yağı- Nəmləndirici təsiri sayəsində dərinin nəm balansını qoruyaraq qurumasının qarşısını alır. O dəri toxumalarının yenilənməsinə və dəri rənginin yaxşılaşmasına səbəb olur.
Lavanda yağı- dərinin nəm baryerini normal səviyyədə saxlamağa kömək edir. İltihabəleyhinə və antioksidant təsiri vardır.
Küncüt yağı- tərkibində yarıdoymuş yağ turşuları və mikroelementlər var. Eyni zamanda sezamolin və sezamin adlı antioksidant da vardır ki, hüceyrələri sərbəst radikallardan qoruyur. Küncüt yağının yara və yanıq sahəsinə tətbiqi zamanı orada kollagenin sintezini artıraraq yaraların tez və fəsadsız sağalmasını təmin edir.
Buğda yağı - tərkibi unikal bioloji aktiv maddələr, lipidlər, vitamin və minerallarla zəngindir. Buğda yağı dərinin turşu-su balansını normallaşdırır, dərini qidalandırır, elastikləşdirir və möhkəmləndirir. Buğda yağı dərinin qocalmasının qarşısını alır, dərinin rəngini gözəlləşdirir, piqment ləkələrinin aradan qalxmasına səbəb olur. Buğda yağından istifadə eləmək dərinin tonuslanmasına, piy vəzilərinin fəaliyyətinin normallaşmasına, qırışların aradan qalxmasına, dəri toxumalarının yenilənməsinə, dəridəki sərtliyin aradan qalxmasına, dərialtı xırda kapillyarların möhkəmlənməsinə səbəb olur.
Şirin badam yağı - faydalı yağ turşuları ilə zəngindir. Dərinin nəmlənməsini və qidalanmasını təmin edir .
Göstərişlər:
Hamiləlik nəticəsində qarında, bud nahiyəsi, süd vəzisi və digər nahiyələrdə yaranan çatlar (striyalar)
Cinsi yetişkənlik zamanı yaranan striyalar
Əvəzedici hormonoterapiya nəticəsində yaranan striyalar
Sürətli kökəlmə nəticəsində əmələ gələn dəri çatları
Dəri quruluğu, qabıqlanması, yanıqdan sonra yaranan dəri problemlərində
Müxtəlif dəri incəlməsi
Dərinin sağlam rənginin bərpa edilməsi
Dəri yaşlanması
Dərinin turşu- su balansının normallaşdırılmasında
Piqment ləkələrinin aradan qaldırılmasında
Qırışların aradan qaldırılmasında
Əks göstərişlər:Preparatın tərkib hissəsinə fərdi həssaslıq.
İstifadə qaydası: Gün ərzində 2 dəfə olmaqla yüngül masaj hərəkətləri ilə dəriyə sürtülərək istifadə olunur .
Buraxılış forması: 100 ml flakon.
İstehsalçı ölkə: Türkiyə.
