Hepatoprime 10 ml No5 ampul

Tərkibi: 1 ml məhlulun tərkibində :

L-Ornitin-L-Aspartat- 500 mq

Farmakoterapevtik qrupu: Hepatoprotektiv,Hipoazotemik və Dezintoksikasiyaedici dərman vasitəsi.
Farmakoloji xüsusiyyətləri: 

Farmakodinamikası:
Hepatoprime preparatının  tərkibindəki L-ornitin–L–aspartat  2 təbii əvəzolunan aminturşunun sabit duzudur.  Hepatoprime  ornitin tsiklində iştirak edir (tsiklin işini aktivləşdirir, qaraciyərin ornitin – karbamoiltransferaza və karbamoil–fosfatsintetaza hüceyrə fermentlərinin aktivliyini bərpa edir). Hər iki aminturşu ammonyakın detoksikasiyasında və prolin, və poliaminlərin sintezində vacib rol oynayır. Poliaminlər, öz növbəsində, DNT sintezi və hüceyrə replikasiyasında kritik əhəmiyyətə malikdir. Sübut olunub ki, onlar qaraciyərin regenerasiyasını stimulə edir və onu sərbəst radikalların təsirindən qoruyur. L-ornitin–L–aspartat   qaraciyər xəstəlikləri zamanı orqanizmdə ammonyakın səviyyəsini aşağı salmaqla detoksikasion təsir göstərir. Sirrozlu pasiyentlərdə qaraciyər ensefalopatiyasının inkişafını ləngidir, psixomotor funksiyalara müsbət təsir göstərir, həyat keyfiyyətini, psixi statusu, diqqət konsentrasiyasını və yuxunu yaxşılaşdırır, yorğunluq hissini azaldır.

Hepatoprime insulin və somatotrop hormonun istehsalını stimulə edir. Parenteral qidalanma zamanı zülal mübadiləsini yaxşılaşdırır. Astenik, dispeptik və ağrı sindromlarını azaldır, həmçinin, yüksəlmiş bədən kütləsini (steatoz və steatohepatit zamanı) azaldır.

Farmakokinetikası:

L-ornitin-L-aspartat sürətlə metabolizə olunan L-ornitin və L-aspartat amin turşularına parçalanır. Farmakokinetik qiymətləndirmələr əsasən ornitinlə əlaqəlidir.

Preparatın absorbsiyası: Ornitinin qan plazmasında maksimal konsentrasiyaya (C_max) 897 ± 328  µpmol/L  venadaxili yeridilmədən sonra  0, 55 ± 0, 16 saat ərzində çatır. Endogen ornitinin səviyyəsi venadaxili infuziyadan 7 saat sonra əldə edilir.

Paylanması:

L-ornitin və L-aspartat üçün yarımparçalanma müddəti (T_{1/2 )} müvafiq olaraq 4,5 ± 1,3 və 5,3 ± 2,8 saatdır, paylanma həcmi isə müvafiq olaraq 9,1 ± 3,7 L və 8,8 ± 3,7 L təşkil edir.

Eliminasiyası:

İnfuziyadan sonra iki fazalı vəziyyət müşahidə olunur və bu fazanın birinci mərhələsində sürətli disperqasiya mərhələsi T_1/2  – 15-25 dəqiqədir, ikinci mərhələdə isə daha ləng eliminasiya mərhələsi T_1/2  – 120-150 dəqiqə təşkil edir. Venadaxili yeridilmədən sonra plazmanın altındakı sahə azalır, ornitin üçün konsentrasiya vaxtı (AUC_0-7h) 1390 ± 160 µpmol.saat / L təşkil edir. Aspartatın bir hissəsi biotransformasiyaya uğramadan sidiklə xaric edilir.

 

 Göstərişləri:

Müxtəlif mənşəli steatoz və steatohepatitlər

Qaraciyər ensefalopatiyası (latent və ya qabarıq)

Qaraciyərin hiperammoniemiya ilə müşayiət olunan kəskin və ya xronik xəstəlikləri

.

Əks göstərişləri: Preparatın komponentinə qarşı yüksək həssaslıq.

İstifadə qaydası : 

Əks göstəriş olmadığı halda, xəstələrə gündə 4 ampula qədər verilə bilər.

Prekoma və ya koma kimi vəziyyətin ağırlığından asılı olaraq 24 saat ərzində doza 8 ampulaya qədər artırıla bilər.

Ampulalar istifadə edilməzdən əvvəl infuziya məhluluna əlavə edilir və bu formada infuziya edilir.

İnfuziya məhlulu hazırlamaq üçün konsentrat heç bir problem olmadan adi infuziya məhlulları ilə qarışdırıla bilər. Bununla belə, venoz dözümlülük üçün 500 ml infuziya üçün məhlulda 6 ampuladan çox həll edilməməlidir.

Maksimum infuziya sürəti saatda 5 q L- ornitin l-aspartatdır (1 ampulun tərkibinə uyğundur).

Ampuladakı məhlul infuziya məhluluna əlavə edilir və xəstəyə yeridilir. İnfuziya üçün konsentrat normal istifadə olunan infuziya məhlulları ilə asanlıqla qarışdırıla bilər. Venoz dözümlülüyü nəzərə alaraq, infuziya həcmi tənzimlənməlidir.

Buraxılış forması: Hepatoprime 10 ml No 5 ampul

İstehsalçı ölkə: Türkiyə